کار بم دھماکہ 18 بھارتی فوجی ہلاک ہوگئے، کشمیر میں بھارتی فوج پر خود کش حملے شروع
مقبوضہ کشمیر (ویب ڈیسک) مقبوضہ کشمیر میں بھارتی فوجیوں پر خودکش حملے شروع ہوگئے۔ مقبوضہ کشمیر کے ضلع پلوامہ میں کار بم دھماکے میں 18 بھارتی سیکیورٹی اہلکار ہلاک اور متعدد زخمی ہو گئے۔
کشمیر میڈیا سروس کے مطابق سینٹرل ریزرو پولیس فورس کی بس پر کار بم دھماکا ضلع پلوامہ میں سری نگر جموں ہائی وے پر لٹھ پورا کے مقام پر ہوا۔
بھارتی پولیس حکام کے مطابق کار میں سوار حملہ آور نے دھماکہ خیز مواد سے بھری گاڑی سی آر پی ایف کی بس سے ٹکرائی اور پھر اسے دھماکے سے تباہ کر دیا۔ حکام کے مطابق دھماکے میں 18 سی آر پی ایف اہلکار ہلاک اور کئی زخمی ہوئے۔ زخمیوں کو بھارتی فوج کے 92 بیس اسپتال منتقل کر دیا گیا ہے۔
دھماکے کے بعد بھارتی سیکیورٹی فورسز کی بڑی تعداد نے علاقے کا محاصرہ کر کے سرچ آپریشن شروع کر دیا ہے۔
إرسال تعليق
Thank you for your valuable comments and opinion. Please have your comment on this post below.