تحریک انصاف نے اپر اور لوئر چترال کے لئے نئے پارٹی عہدے داروں کا نام جاری کردیا، کارکنان میں مایوسی
چترال (ٹائمزآف چترال نیوز) پاکستان تحریک انصاف کی صوبائی کابینہ نے اتوار کے روز لوئر اور اپر چترال اضلاع کے عہدیداروں کا اعلان کردیا ہے۔
دو الگ الگ نوٹی فیکیشنز کے مطابق ، سجاد احمد خان اور فیصل صلاح الدین بالترتیب صدر اور جنرل سکریٹری لوئر چترال مقرر کیا گیا ہے۔
رحمت غازی خان کو صدر اور آفتاب ایم طاہر کو جنرل سکریٹری بالائی چترال مقرر کیا گیا ہے۔
تاہم ، پارٹی کے کچھ رہنماؤں نے لوئر چترال میں منتخب ہونے والے عہدیداروں کی تشکیل کو مسترد کرتے ہوئے یہ الزام عائد کیا ہے کہ کارکنوں کے انتخاب اور رائے کو نظرانداز کیا گیا ہے۔
انصاف ناظمین فورم کے چیئرمین حیات الرحمٰن نے کہا ہے کہ پارٹی کے اعلی اراکین کے ‘صوابدیدی’ فیصلے سے کارکنوں کو مایوسی ہوئی ہے۔
انہوں نے کہا کہ مقامی رہنما اس تقرری کو منسوخ کرانے کے لئے کسی بھی حد تک جائیں گے تاکہ تقرریاں دیرینہ کارکنوں کی امنگوں کے مطابق کابینہ تشکیل دیں۔
إرسال تعليق
Thank you for your valuable comments and opinion. Please have your comment on this post below.