ظالم باپ نے عید کپڑے مانگنے پر 4 بچوں کو نہر میں پھینک دیا، بچے اللہ کو پیارے ہوگئے

ظالم باپ نے عید کپڑے مانگنے پر 4 بچوں کو نہر میں پھینک دیا، بچے اللہ کو پیارے ہوگئے

 جڑانوالہ  شیخوپورہ  (ویب ڈیسک) باپ نے ظلم کی انتہا کردی۔ ظالم باپ نے عید کپڑے مانگنے پر 4 بچوں کو نہر میں پھینک دیا، بچے اللہ کو پیارے ہوگئے۔ تفصیلات کے مطابق   شیخوپورہ میں عید کے نئے کپڑے مانگنے پر باپ نے 4بچوں  نہر میں پھینک دیا ۔ ملزم محسن نے 4 روز قبل بچوں کو نہر میں پھینکا تھا۔

ملزم محسن کئی ماہ سے بیروزگار تھا، بچوں نے عید پر نئے کپڑے مانگے تو  ملزم نے کپڑے دلانے کا بہانہ بنا کر بچوں کو بھکھی نہر  کی طرف لے گیا اور انہیں بے رحمی اور سنگدلی سے نہر میں پھینک کر قتل کردیا۔  اور پھر ملزم محسن بچوں کے لاپتہ ہونے کا ڈرامہ رچاتا رہا۔

شک پڑنے پر پولیس نے حراست میں لیا تو ملزم نے اعتراف جرم کرلیا۔ ملزم کی نشاندہی پر بھکھی نہر میں بچوں کی تلاش کے لئے آپریشن شروع کر دیا گیا ہے۔ تھانہ کھرڑیانوالہ کے نواحی گاؤں چک نمبر74 ر۔ ب بڈالہ کے رہائشی محسن ولد نصیر احمد کے گھر میں فاقہ کشی کا عالم تھا۔ معصوم بچوں جویریہ‘ نمرہ‘ عروہ‘ ذوالقرنین نے اپنے باپ سے کپڑوں کے لئے ضد کی تھی۔ملزم محمد محسن نے اپنی بیوی پر اپنے بہنوئی اور ہم زلف کے درمیان ناجائز تعلقات کا الزام لگاتے ہوئے پولیس کو بتایا کہ میں نے اپنی بیوی کو کئی بار منع کیا جس پر وہ باز نہ آئی اس پر اکثر گھر میں جھگڑا رہتا تھا۔  ڈی پی او شیخوپورہ نے تفتیش کے لئے ایڈیشنل ایس پی صدر کی سربراہی میں ٹیم تشکیل دے دی ہے۔