شندور پولو فیسٹیول2014 کے پہلےمیچز میں لاسپور ریڈ اور مستوج کی ٹیم فاتح

چترال (ٹائمز آف چترال رپورٹ) شندور پولوفیسٹیول کا آغاز 20 جون کو دنیا کے بلند ترین پولو گرائونڈ شندورچترال میں ہوگیا۔ افتتاحی میچ میں لاسپور ریڈ نے لاسپور وہائیٹ کو ہرادیا۔ یاد رہے کہ اس سال گلگت انتظامیہ کی جانب سے ایونٹ کے بائیکاٹ کی وجہ سے گلگت بلتستان کی ٹیمیں ایونٹ میں حصہ نہیں لے رہی ہیں۔ ایونٹ کا افتتاح وزیر اعلٰی پرویذ خٹک کے مشیر خاص برائے کھیل اور سیر سیاحت امجد خان آفریدی نے کیا۔ ایونٹ کا دوسرا میچ چترال سکائوٹس اور مستوج کی ٹیم کے درمیان کھیلا گیا، جس میں مستوج کی ٹیم نے سکاوٹس کو ہرادیا، پہلے دن کے کھیل کے اختتام پر امجد آفریدی نے کھلاڑیوں میں انعامات تقسیم کئے۔