چترال کے علاقے ارسون میں رات گئے سیلاب، متعدد افراد لاپتہ

چترال /دروش ( نمائندہ ٹائمز آف چترال 3 جولائی 2016)  ہفتے کی شب  ارسون کے پائیتاسون گول میں سیلاب آگیا۔ سیلاب نماز تراویح کے دوران آیا۔  پائیتاسون گاون میں واقع مسجد کو بہا کر لے گیا۔ سیلاب اس وقت آیا جب لوگ نماز تراویح میں مصروف تھے۔ پولیس کے مطابق 10 افراد واقعے کے بعد لاپتہ ہیں جن کے بارے میں خدشہ ظاہر کیا جارہا ہے کہ سیلاب میں بہہ گئے ہیں۔ رات ہونے کی وجہ سے امدادی سرگرمیوں میں دشواریاں پیش آرہی ہیں۔ بڑے سیلابی ریلے نے نغر  کے قریب دریائے مستوج/چترال کو  روک رکھا ہے جس کی وجہ سے دریائے چترال کی سطح بلند ہونا شروع ہوئی ہے اور دریا کے کنارے واقع کئی آبادیوں میں پانی گھس جانے کا خدشہ ہے۔ شام سے دروش اور اردگرد کے علاقوں میں بارش اور تیز ہواوں کا سلسلہ جاری ہے۔  راستے بند ہوجانے کی وجہ سے پولیس اور امدادی رضاکار متاثرہ گاوں تک نہیں پہنچ پائے ہیں۔ خبر جاری ہے۔