ابی نندن کی واپیسی بھارت کی ہٹ دھرمی : آزاد کشمیر چھمب سیکٹر ایل او سی پر بم دھماکہ، 5 فوجی شہید
راولپنڈی (مانیٹرنگ ڈیسک) آزاد کشمیر میں دھماکا خیز مواد پھٹنے سے پاک فوج کے 5 جوان شہید ہو گئے، پا ک فوج کے شعبہ تعلقات عامہ (آئی ایس پی آر) کے مطابق دھماکا خیز مواد پھٹنے کا واقعہ ایل او سی سے چند میٹر دور چھمب سیکٹر میں برنالہ کے علاقے میں آیا۔آئی ایس پی آر کے مطابق واقعے میں ایک فوجی جوان زخمی بھی ہوا،دھماکے میں شہید ہونیوالوں کی شناخت صو بید ا ر محمد صادق، سپاہی محمد طیب، سپاہی زوہیب، سپاہی غلام قاسم اور نائیک شیر زمان کے ناموں سے ہوئی ہے،پاک فوج کے شعبہ تعلقات عا مہ کے مطابق دھماکے کی نوعیت کا تعین کیا جا رہا ہے۔آئی ایس پی آر کے مطابق بھارت دوطرفہ سیز فائر معاہدے اور بین الاقوامی قواعد کی خلا ف ورزی کر رہا ہے، واقعہ بھارت کی جانب سے ریاستی حمایت یافتہ دہشت گردی کا ثبوت ہے،تاہم دھماکے کی قسم اور دیگر تفصیلات معلوم کی جارہی ہیں، شہید جوانوں میں صوبیدار محمد صادق کا تعلق ضلع نیلم، سپاہی محمد طیب کا ضلع خوشاب، نائیک شیر زمان کا ضلع کرک، سپاہی زہیب کا ضلع پونچھ اور سپاہی غلام قاسم کا ضلع سرگودہا سے ہے۔