کوسٹر اور ریل گاڑی میں تصادم کے نتیجے میں سکھ براداری کے 20 افراد ہلاک 8 زخمی ہوگئے

کوسٹر اور ریل گاڑی میں تصادم کے نتیجے میں سکھ براداری کے 20 افراد ہلاک 8 زخمی ہوگئے

شیخوپوری (ویب ڈیسک 3 جولائی 2020) شیخوپورہ کے علاقے فاروق آباد کے قریب ریلوے پھاٹک پر مسافر کوسٹر ٹرین کی زد آگیا جس کے نتیجے میں سکھ برادری سے تعلق رکھنے والے ایک ہی خاندان کے 19 افراد ہلاک جب کہ 8 زخمی ہوگئے۔

ذرائع کے مطابق شیخورہ کے علاقے فاروق آباد میں جاتری روڑ پر واقع ریلوے پھاٹک پر مسافر کوسٹرکراچی سے لاہور جانے والی شاہ حسین ایکسپریس سے ٹکرا گئی، جس کے نتیجے میں کوسٹر میں سوار سکھ برادری کے 19 افراد ہلاک اور 8 زخمی ہوگئے۔ ہلاک اور زخمی ہونے والوں کو ڈسٹرکٹ ہیڈ کوارٹر اسپتال منتقل کردیا گیا۔

ریسکیو حکام کے مطابق کوسٹر پشاور سے جارہی تھی اور اس میں ایک سکھ خاندان سوار تھا جس کا تعلق پشاور سے تھا، خاندان کے تمام افراد اپنے کسی قریبی عزیز کی فوتگی پر ننکانہ صاحب آئے ہوئے تھے، ننکانہ صاحب سے واپس پشاور جاتے ہوئے سچا سودا گردوارہ کے پاس کوسٹر بس ڈرائیور نے پھاٹک سے پیچھے کچے راستے سے بس گزارنے کی کوشش کی، اسی دوران کوسٹر کراچی سے لاہور جانے والی شاہ حسین ایکسپریس سے ٹکرا گئی۔

وزیر ریلوے شیخ رشید  نے واقعے کے ذمہ داروں کے خلاف فوری کارروائی کا حکم دیا ہے، ڈی ای این کو فوری طور پر معطل کردیا گیا ہے۔ آئے روز واقعات ہوتے ہیں کیا معطل کرنا کافی ہے۔ یا شیخ رشید کو استعفیٰ دے دینا چاہئے۔

وزیراعظم عمران خان نے ٹرین حادثے میں ہلاکتوں پراظہار افسوس کرتے ہوئے زخمیوں کو فوری طبی امداد دینے کی ہدایت کی ہے۔