قومی خبریں : آرمی چیف جنرل قمر جاوید باجوہ کی زیر صدارت کور کمانڈرز کانفرنس کا 234 واں اجلاس ، جیو سٹرٹیجک اور قومی سلامتی کے امور پر تبادلہ خیال
راولپنڈی (اے پی پی 11 اگست 2020) آرمی چیف جنرل قمر جاوید باجوہ کی زیر صدارت کور کمانڈرز کانفرنس کا 234 واں اجلاس جی ایچ کیو میں ہوا۔ اجلاس میں جیو سٹرٹیجک اور قومی سلامتی کے امور پر تبادلہ خیال کیا گیا۔ منگل کو پاک فوج کے شعبہ تعلقات عامہ (آئی ایس پی آر) سے جاری بیان کے مطابق فورم میں کنٹرول لائن کی صورتحال، پاک افغان سرحد اور اندرونی سلامتی کی صورتحال پر تبادلہ خیال کیا گیا۔ فورم نے افغان مفاہمتی عمل پر پیشرفت کو سراہا اور بین الافغان مذاکرات کے جلد انعقاد کی امید ظاہر کی۔ چیف آف آرمی سٹاف جنرل قمر جاوید باجوہ نے فارمیشنز کی آپریشن تیاریوں کو سراہا اور کورونا وبا اور ٹڈی دل کے خطرے سے نمٹنے کے لئے سول انتظامیہ کی مدد کے لئے کوششوں کو سراہا۔آرمی چیف نے کمانڈرز کو ہدایت کی کہ کورونا وبا سے بچاؤ کے لئے رہنما اصولوں پر عملدرآمد کے ساتھ محرم الحرام کے دوران ضلعی انتظامیہ سے مل کر عوام کے تحفظ اور سلامتی کے لئے ضروری اقدامات یقینی بنانے کی ہدایت کی۔
بری فوج کے سربراہ نے بلوچستان اور سندھ بالخصوص کراچی میں شہری علاقوں میں حالیہ سیلاب کے دوران جوانوں کے بروقت اور مؤثر ردعمل کو سراہا۔ چیف آف آرمی سٹاف نے موجودہ سیلابی صورتحال کے تناظر میں مؤثر اقدامات کرنے اور