وزیراعلیٰ پنجاب سردار عثمان بزدار سے معروف عالم دین مولانا طارق جمیل کی ملاقات
لاہور (22ستمبر اے پی پی) وزیراعلیٰ پنجاب سردار عثمان بزدار سے معروف عالم دین مولانا طارق جمیل نے ملاقات کی ۔وزیراعلیٰ آفس میں ہونے والی ملاقات میں سردار عثمان بزدار نے انسداد کورونا اورانسداد پولیوکیلئے مولانا طارق جمیل اورعلمائے کرام کے کردار کو سراہا اور کہا کہ علمائے کرام نے ہمیشہ قومی ایشوز پر فعال کرداراداکیا ہےحکومت علمائے کرام کی قومی اوردینی خدمات کی معترف ہےکورونا وباء کے دوران بھی علمائے کرام کا تعاون لائق تحسین ہےانسداد پولیو کیلئے علماء کرام کا موثر کردار کلیدی اہمیت رکھتا ہے علماء کرام نے ہمیشہ معاشرتی، سماجی اور اخلاقی اقدار کے تحفظ کیلئے بھرپور کردار ادا کیاہے۔انہوں نے کہا کہ علماء کرام کا موثر کردار اس موذی مرض کے خاتمے میں ممدو معاون ثابت ہوگا یہ ہمارا قومی مسئلہ ہے اور اس سے نمٹنے کیلئے سب کو مل کر کام کرنا ہوگی علماء کرام نے ہمیشہ قومی ذمہ داری احسن طریقے سے نبھائی ہے۔انہوں نے کہا کہ علماء کرام نے ہر موڑ پر اور ہر مشکل کی گھڑی میں حکومت کی رہنمائی کی ہےانتہاپسندی کے خلاف فکری اور نظریاتی جنگ میں بھی علمائے کرام کا کردار لائق تحسین ہے۔مولانا طارق جمیل نے وزیراعلیٰ پنجاب کے عوامی خدمت کے جذبے کوسراہا۔
Post a Comment
Thank you for your valuable comments and opinion. Please have your comment on this post below.