ایمریٹس ایئر لائن نے فلائٹس کی منسوخی اور سفری رکاوٹوں سے متاثرہ صارفین کے ٹکٹوں کے حوالے سے تین آپشنز پیش کردیئے

ایمریٹس ایئر لائن نے فلائٹس کی منسوخی اور سفری رکاوٹوں سے متاثرہ صارفین کے ٹکٹوں کے حوالے سے تین آپشنز پیش کردیئے 

کراچی، 14 اپریل، 2020۔ اپنے صارفین کو ترجیح دیتے ہوئے ایمریٹس نے اپنی عالمی مارکیٹوں میں جاری ٹکٹوں کی ری بکنگ اور ری فنڈز کے لئے کورونا وائرس سفری رعایت کی پالیسوں کا ایک سادہ طریقہ وضع کیا ہے۔ 

ایمریٹس کے چیف کمرشل آفیسر عدنان کاظم نے کہا، "سفری اور ایئرلائن انڈسٹری میں کرایوں، قابل اطلاق ری فنڈز یا ری بکنگ سے متعلق قوانین پیچیدہ ہوگئے ہیں اور یہ مارکیٹ کے قوانین پر بھی منحصر ہیں۔ ہم سمجھتے ہیں کہ ان سب باتوں کی تفصیلات سے صارفین کیلئے الجھن اور پریشانی ہوتی ہے۔ عالمی سطح پر کورونا وائرس ہر ایک کے لئے غیرمعمولی ہے اور ہم اپنے کسٹمرز اور تجارتی پارٹنرز کے تحمل، معاملہ فہمی اور تعاون کے لئے مشکور ہیں۔ ہم نے اس عرصے میں کام کرکے نہ صرف اپنی پالیسیوں کو صارف دوست بنایا بلکہ ریگولیٹری ضروریات سے بھی ہم آہنگ کیا۔ "

انہوں نے مزید نے کہا، "ہم پرامید ہیں کہ ہمارے صارفین ٹکٹوں کو ری بک کرنے کا  فیصلہ کریں گے اور مستقبل میں اپنی سہولت کے مطابق ہمارے ساتھ ایک بار پھر سفر کریں گے اور اسی وجہ سے ہم انکے موجودہ ٹکٹوں یا ٹریول واؤچرز کی میعاد 2 سالوں تک بڑھانے کی سہولت پیش کررہے ہیں جنہیں ایمریٹس کی کسی پروڈکٹ یا سروس کے لئے استعمال کیا جاسکتا ہے۔ 31 اگست 2020 تک سفر والے ٹکٹوں کی فیس میں کسی بھی قسم کی تبدیلی کو 31 مئی 2020 تک معاف کیا گیا۔ تاہم اسکے باوجود اگر وہ ری فنڈ کرانا چاہتے ہیں تو ہم اسے پروسیس کریں گے۔ ہم اپنے صارفین سمجھانا چاہیں گے کہ ری فنڈز میں وقت لگے گا کیونکہ ہمارے پاس ریفنڈ کیلئے بہت سی درخواستیں جمع ہوگئی ہیں ۔ "

پہلا آپشن، اپنا ٹکٹ رکھیں۔ 31 اگست تک کے سفر کے لئے 31 مئی سے قبل تک بک شدہ ایمریٹس کے تمام ٹکٹس کی میعاد میں 760 دن تک خودکار طور پر توسیع کردی جائے گی۔ اپنے پاس ٹکٹ رکھنے والے صارفین کو یقین دہانی کرائی جاسکتی ہے کہ انکا ٹکٹ قائم رہے گا اور جب وہ سفر کا فیصلہ کریں تو وہ اسے دوبارہ بک کراسکتے ہیں۔  

جس تاریخ سے ان کا ٹکٹ جاری ہوا ہے، اس کے بعد سے جب کبھی وہ اگلے دو سالوں کے دوران دوبارہ سفر کے لئے تیار ہوں۔ انہیں بس ایمریٹس سے رابطہ کرنے یا انہیں ٹریول ایجنٹس سے اپنی فلائٹ ری شیڈول کرانے کی ضرورت ہوگی۔ ان کا ٹکٹ اسی مقام کیلئے کسی بھی فلائٹ کیلئے قبول کرلیا جائے گا یا ایمریٹس کے اسی ریجن میں کسی دوسرے شہر کے لئے بھی فیس میں کسی بھی تبدیلی کے بغیر قبول کرلیا جائے گا۔ جن کی خواہش ہے کہ وہ کسی دوسرے ریجن میں سفر کے لئے اپنا ٹکٹ دوبارہ بک کرائیں، ان سے ایمریٹس ٹکٹوں کے دوبارہ اجراء کی فیس وصول نہیں کرے گا تاہم کرائے کا فرق وصول کیا جائے گا۔  

دوسرا آپشن، سفری واؤچر کی درخواست: سفری واؤچرز کا جس تاریخ سے اجراء ہوا ہے وہ ایک سال کے لئے کارآمد ہیں اور انہیں دوسرے سال کے لئے توسیع دی جاسکتی ہے۔ یہ واؤچر کسی بھی ایمریٹس پروڈکٹ یا سروس کے لئے استعمال کیا جاسکتا ہے۔ جس کا مطلب ہے کہ صارفین کسی بھی کیبن کلاس میں کسی بھی مقام کی پرواز یا دیگر خدمات کے چارجز منہا کرنے کے لئے انہیں استعمال کرسکتے ہیں۔ اس واؤچر کی فیس میں کوئی تبدیلی قابل اطلاق نہیں ہوگی، اس لئے صارفین جب دوبارہ سفر کے لئے تیار ہوں تو وہ زیادہ سہولت کے ساتھ اپنا سفر ری شیڈول کرسکتے ہیں۔ 

تیسر ا آپشن، ری فنڈز: ایسے صارفین جنہوں نے اپنا ٹکٹ قائم رکھنے کا آپشن رکھا ہے یا ٹریول واؤچر کے لئے انتخاب کیا، اگر وہ سفر کرنے سے قاصر ہیں تو وہ بدستور ری فنڈ کے لئے رجوع کرسکتے ہیں۔ ری فنڈ میں کوئی رقم منہا نہیں ہو گی۔  

ایمریٹس نے اپنے صارفین کی آسانی کے لئے ایک سادہ فارم کے ذریعے ان آپشنز کے استعمال کی درخواست کا طریقہ وضع کیا ہے۔ 

اس سے متعلق مزید معلومات، یا ان میں سے کسی قابل اطلاق آپشنز سے رجوع کیلئے صارفین ایمریٹس ڈاٹ کام وزٹ کرسکتے ہیں۔ ایسے صارفین جنہوں نے اپنے سفری ایجنٹس کے ذریعے بکنگ کروائی ہے وہ تعاون کیلئے اپنے ایجنٹس سے رابطہ کریں، یہی رعایتی پالیسی قابل اطلاق ہوگی۔