اب صارفین واٹس ایپ پر دوسروں کے موبائل سے اپنے بھیجے گئے ویڈیوز اور تصاویر ڈیلیٹ کر سکیں گے

اب صارفین واٹس ایپ پر دوسروں کے موبائل سے اپنے بھیجے گئے ویڈیوز اور تصاویر ڈیلیٹ کر سکیں گے

ٹیکنالوجی ڈیسک:   واٹس ایپ نے نیا فیچر متعارف کرا یا ہے ۔ اب صارفین کوئی بھی میڈیا بھیجنے سے قبل اس فیچر کا انتخاب کر سکیں گے۔  واٹس ایپ ایسے فیچر پر کام کر رہا ہے جس میں صارفین دوسروں کے موبائل فون پر بھیجے گئے میڈیا یعنی ویڈیوز، تصاویر اور جِف فوٹوز کو ڈیلیٹ کر سکیں گے۔ رپورٹس کے مطابق اس فیچر کے ذریعے تصویر یا ویڈیو بھیجنے سے پہلے واٹس ایپ میں نئے شامل کئے جانے والے فیچر  'ایکسپائرنگ میڈیا'  کا آپشن منتخب کرنے پر جیسے ہی سامنے والا اس پیغام کو دیکھ (سین) لے گا تو وہ خودبخود اس کے موبائل فون سے ڈیلیٹ ہو جائے گا۔ واٹس ایپ کے آزاد ماہرین ڈبلیو اے بیٹا کے مطابق یہ فیچر میسج باکس کے بلکل برابر میں فراہم کیا جائے گا اور صارفین کوئی بھی میڈیا بھیجنے سے قبل اس کا انتخاب کر سکیں گے۔

اطلاعات ہیں کہ یہ فیچر اینڈرائڈ کے ورژن 2.20.2011 کے ساتھ فراہم کیا جائے گا جوکہ تیاری کے مراحل میں ہے۔  برطانوی ویب سائٹ میل آن لائن کا کہنا ہے کہ اس حوالے سے رابطہ کرنے پر واٹس ایپ نے کسی بھی ممکنہ فیچر پر تبصرہ کرنے معذرت کر لی۔ تاہم ، ڈبلیو اے بیٹا کے مطابق واٹس ایپ نے یہ فیچر گوگل پلے بیٹا پروگرام میں دے دیا ہے۔