حبکو نے تھر بلاکII میں 330میگاواٹ تھل نوواپاورپراجیکٹ کا فنانشل کلوز حاصل کرلیا ، منصوبہ پاکستان میں توانائی کے تحفظ کو یقینی بنانے کیلئے اہم سنگِ میل ثابت ہوگا!
کراچی، یکم اکتوبر 2020 : پاکستان کی سب سے بڑی آئی پی پی حبکو کی ذیلی کمپنی تھل نووا پاور پراجیکٹ پرائیوٹ لمیٹڈ (TNPTL)نے تھربلاکIIمیں 330میگاواٹس پاور پراجیکٹس کا فنانشل کلوز حاصل کرکے اہم سنگِ میل عبور کرلیاہے۔اس بات کا انکشاف اسلام آباد میں پی پی آئی بی کے منیجنگ ڈائریکٹر شاہ جہاں مرزا کی زیرِ صدارت ہونے والے اجلاس میں کیا گیا۔
حبکو، تھل لمیٹڈ، نوواٹیکس لمیٹڈ،چائنا مشینری انجینیئرنگ کارپوریشن اور ڈیسکون انجنئیرنگ کے اشتراک سے قائم کردہTNPTL ان ابتدائی منصوبوں میں سے ایک ہے جس کے تحت تھر بلاک IIکے مقامی کوئلے سے 330میگا واٹ بجلی پیدا کی جائے گی۔
اس موقع پر تھر انرجی لمیٹڈ کے چیف ایگزیکٹو آفیسر سلیم اللہ میمن نے کہا کہ اس منصوبے کیلئے کمپنی نے چائنا ڈیویلپمنٹ بینک کو غیر ملکی مالی اعانت کیلئے مرکزی منتظم اور حبیب بینک کو مقامی مالی اعانت کیلئے بطور مرکزی منتظم شامل کررکھا ہے۔انہوں نے مزید کہا کہ ہمیں امید ہے کہ مضبوط اور پیشہ ور اسپانسرز کے تعاون سے یہ منصوبہ مختص لاگت میں بروقت مکمل ہوجائے گا۔
اس موقع پر حبکو کے چیف ایگزیکٹوآفیسر خالد منصور نے کہا کہ مقامی ایندھن کے ذریعے بجلی پیدا کرنے کا یہ منصوبہ پاکستان کیلئے گیم چینجرثابت ہونے کے علاوہ ملک میں انرجی سیکیوریٹی کو یقینی بنائے گا۔انہوں نے مزید کہا کہTNPTL کی جانب سے لگایا جانے والا یہ منصوبہ پاکستان میں مقامی کوئلے پر مبنی پاور پلانٹس کی سیریز کے ابتدائی منصوبوں میں سے ہے جس سے ملک کو خاطر خواہ غیر ملکی زرِ مبادلہ کی بچت ہوگی۔
حب پاور کمپنی حب، نارووال اور آزاد کشمیر میں اپنے چاروں پلانٹس کے ذریعے 2920میگاواٹس سے زیادہ بجلی پیداکرنے کی صلاحیت رکھتی ہے۔ حب پاور کمپنی پاکستان کی واحد پاور کمپنی ہے جس کے چین پاکستان اقتصادی راہداری منصوبے میں 4منصوبے حب میں چائنا پاور حب جنریشن کمپنی لمیٹڈ (CPHGC)، تھر انرجی لمیٹڈ(TEL)، تھل نوا پاور تھر 1لمیٹڈ اور تھر کول بلاک IIمیں سندھ اینگرو کول مائننگ کمپنی (SECMC) شامل ہیں۔
Post a Comment
Thank you for your valuable comments and opinion. Please have your comment on this post below.