پاک قطر فیملی تکافل کا یونیورسٹی آف لاہور ٹیچنگ ہسپتال کے ساتھ معاہدہ
کراچی: پاک قطر فیملی تکافل نے اپنے صارفین کو اعلیٰ معیار کی خدمات فراہم کرنے کیلئے یونیورسٹی آف لاہور ٹیچنگ ہسپتال کے ساتھ ایک معاہدے پر دستخط کیے ہیں۔ یونیورسٹی آف لاہور ٹیچنگ ہسپتال اپنی نوعیت کاایک بہترین ہسپتال ہے جس میں علاج معالجے کی بہترین خدمات فراہم کی جاتی ہیں۔پاک قطر فیملی تکافل کے پینل میں شامل ہونے کے بعدپاک قطر فیملی تکافل کے ہیلتھ کارڈ رکھنے والے زیادہ سے زیادہ صارفین اس ہسپتال کے ذریعے صحت کی معیاری خدمات حاصل کرسکیں گے۔
یونیورسٹی آف لاہور ٹیچنگ ہسپتال میں منعقدہ تقریب میں پاک قطر فیملی تکافل کے ہیڈآف میڈیکل سروسز ڈاکٹر اظہار احمد اور یونیورسٹی آف لاہور کے بورڈ آف گورنر کے چیئرمین اویس رؤف نے معاہدے پر دستخط کیے۔
اس موقع پر پاک قطر فیملی تکافل کے ہیڈآف میڈیکل سروسز ڈاکٹر اظہار احمدنے کہاکہ یونیورسٹی آف لاہور ٹیچنگ ہسپتال کے ساتھ معاہدہ پاک قطر فیملی تکافل کیلئے قابلِ فخر ہے۔ اس طرح کے اقدامات یقینی طورپر صارفین کو صحت کی بہترین خدمات فراہم کریں گے۔
اس موقع پر یونیورسٹی آف لاہور کے بورڈ آف گورنر کے چیئرمین اویس رؤف نے کہاکہ پاک قطر تکافل کے ساتھ مضبوط تعلقات استوار کرنے پر انہیں خوشی ہورہی ہے۔ہم معیاری صحت کی خدمات فراہم کرنے پر یقین رکھتے ہیں اور اس طرح کی شراکت داری صارفین کیلئے سود مند ثابت ہوگی۔
Post a Comment
Thank you for your valuable comments and opinion. Please have your comment on this post below.