سیاحوں کی وادی ، سوات کے لئے 17سال بعد ایئر سروس بحال ، سیدو شریف ایئرپورٹ پر پہلی پرواز اتر گئی

سیاحوں کی وادی ، سوات کے لئے 17سال بعد ایئر سروس بحال ، سیدو شریف ایئرپورٹ پر پہلی پرواز اتر گئی

سوا ت (ویب ڈیسک) سیاحوں کی وادی ، سوات کے لئے 17سال بعد ایئر سروس بحال ، سیدو شریف ایئرپورٹ پر پہلی پرواز اتر گئی ۔ 17سال بعد سوات کے سیدو شریف ایئرپورٹ پر فضائی آپریشن بحال ہوگیا  ہے پہلی پرواز سیاحوں کو لیکر سوات پہنچ گئی۔ جس میں وزیراعلیٰ محمود خان اور وزیر موصلات مراد سعید سمیت دیگر وزراء  موجود تھے۔  تفصیلات کے مطابق جنت نظیر وادی سوات جانیوالے سیاحوں کیلئے طویل انتطار کے بعد بڑی خوشخبری آگئی ، سیدو شریف ائیرپورٹ سترہ سال بعد پروازوں کے لیے کھول دیا گیا۔  اسلام آبادایئرپورٹ سے پہلی پرواز پی کے 650 کے ذریعے 47مسافرروانہ ہوئے ، ایئرپورٹ سے وزیرہوابازی غلام سرور نے مسافروں کوروانہ کیا۔  پی آئی اے کی پرواز اسلام آباد سے سوات کے سیدوشریف ایئرپورٹ پر لینڈ کرگئی، وزیراعلیٰ محمودخان ، وفاقی وزراغلام سرور، مرادسعید بھی پرواز سے سوات پہنچے۔  جس کے بعد شجرکاری مہم کےتحت وزیراعلیٰ کےپی محمودخان نے سیدوشریف ایئرپورٹ پر پودا لگایا۔

سول ایوی ایشن اتھارٹی نے فلائٹ آپریشن کے حوالے سے رن وے کی بحالی، آپریشنل اسٹاف کی تعیناتی سمیت دیگر انتظامات مکمل کئے۔

وزیر اعظم عمران خان کے سیاحت کے وژن کومدنظررکھتے ہوئے پی آئی اے کی پروازیں ہفتے میں دو دن جمعہ اورسوموار کو سیدوشریف کیلئے روانہ ہوں گی۔

اسکردو، گلگت اور چترال کے بعد یہ چوتھا سیاحتی مقام ہے، جس کیلئے قومی ائیرلائن کااپنا فضائی آپریشن کیا۔