کوکا۔کولا اور رزق ماہ رمضان میں تیار کھانوں کی تقسیم کے لئے متحد

 کوکا۔کولا اور رزق ماہ رمضان میں تیار کھانوں کی تقسیم کے لئے متحد 

لاہور،  9 اپریل، 2021۔ کوکا۔کولا نے ضرورت مند پاکستانیوں کو تیار کھانوں کی فراہمی کے لئے سماجی بہبود کے ادارے رزق سے اشتراک کیا ہے۔ اس شراکت داری کا آغاز رمضان میں ہوگا اور پورے مہینہ غربت سے متاثرہ افراد میں کھانوں کی فراہمی کا عمل جاری رہے گا۔ اس سلسلے میں کوکا۔کولا معاشرے کے گمنام سفید پوش طبقے کو اپنے ہم وطن پاکستانیوں سے جوڑنے کے لئے تعاون فراہم کررہا ہے۔ روزمرہ زندگی میں "آؤ عہد کریں: مل کر بھوک مٹائیں " کے نعرے تلے ماہ رمضان کا وقت اور لوگوں میں مخیرانہ احساس "دینے اور بانٹنے" کے مشن کو آگے بڑھانے کے لئے ایک بہترین موقع ہے۔ 

اس حوالے سے ماہ رمضان کے دوران مارکیٹ میں فروخت ہونے والی تمام کوکا۔کولا پروڈکٹس کے عوض مفت کھانوں کی تقسیم کا سلسلہ آگے بڑھایا جائے گا۔  یہ اقدام ایک کثیر المقاصد مہم کا حصہ ہے جو سب کو ہم آہنگی اور بانٹنے کے جذبے سے معمور کرنا چاہتا ہے۔ 

اقوام متحدہ کے عالمی فوڈ پروگرام کے تحت عالمی سطح پر ساڑھے تیرہ کروڑ افراد شدید بھوک سے دوچار ہیں۔ مزید برآں، کرونا کی عالمی وبا کی وجہ سے یہ تعداد دو گنا بڑھ چکی ہے، صرف پاکستان میں تقریباََ 80 لاکھ افراد رات کو بھوکے سوتے ہیں اور پانچ سال سے کم عمر بچوں کی بڑی تعداد شدید غذائی قلت سے متاثر ہے۔ اس صورتحال کے پیش نظر بھوک کے خاتمے کا مشن انتہائی اہم ہے اور ضروری ہے کہ اس کے بارے میں پہلے آگہی بڑھائی جائے اور پھر عوام الناس کو اس مشن کا حصہ بننے کی ترغیب دی جائے۔ 

اس خیال پر روشنی ڈالتے ہوئے دی کوکا۔کولا ایکسپورٹ کارپوریشن کے وی پی اور جنرل منیجر برائے پاکستان و افغانستان ریجن، فہد اشرف نے کہا، "کوکا۔کولا اور رزق بانٹنے اور یکجا کرنے کے جذبے کی تائید کرتے ہیں، اور بھوک مٹانے کی جنگ میں ہر پاکستانی کو شریک کرنے کے لئے پرعزم ہیں۔ ہمارا مقصد صرف محدود اثرات حاصل کرنا نہیں بلکہ ایسی جامع کوشش کرنا ہے جو بھوک کے مسئلہ کو اس مہم کے بعد بھی قومی سطح پر اجاگر رکھ سکے۔ " 

رزق پاکستان میں سماجی بہود کا صف اول کا ادارہ ہے۔ رزق کے شریک بانی قاسم جاوید نے کوکا۔کولا سے متعلق اشتراک پر اظہار خیال کرتے ہوئے کہا، "پاکستان میں دنیا کی زرعی ضروریات پوری کرنے کی بھرپور صلاحیت ہے تاہم اس حوالے سے ملک میں بہت کچھ کرنے کی ضرورت ہے کیونکہ اسکی بیشتر آبادی خوراک کے اعتبار سے بدستور غیرمستحکم حالات میں مبتلا ہے۔ اس مہم کے تحت ہم کوکا۔کولا کی ملک گیر رسائی کو استعمال کرکے گراؤنڈ پر بہترین انداز سے عمل درآمد کے ذریعے ماہ رمضان کے دوران لاکھوں افراد کو مفت تیار کھانوں کی تقسیم کو ممکن بنائیں گے۔ ہم بھوک سے پاک پاکستان کی تعمیر کے بہترین مشن میں کوکا۔کولا کے تعاون کے مشکور ہیں۔" 

کوکا۔کولا اقوام متحدہ کے پائیدار ترقیاتی اہداف (SDGs) کو مشعل راہ سمجھ کر دنیا کو درپیش مسائل کے حل کے لئے اپنی منصوبہ بندی اور کوشش کرتا ہے۔ اس حوالے سے کوکا۔کولا باہمی شراکت داری کو ترجیح دیتا ہے اور ایسے پروگرامز مرتب کرتا ہے جو ایس ڈی جیز کے تابع ہوں۔ مذکورہ بالا اقدام یو این کے ایس ڈی جی (SDG)نمبر دو کی پاسداری کرتا ہے جس کے تحت سال 2030 تک شدید بھوک کا خاتمہ مطلوب ہے۔