اسٹیٹ بینک نے ترسیلاتِ زر کی منتقلی کے لئے نمایاں بہتری کی اور اسٹیک ہولڈرز کو موئثر اندازمیں وقت دیا : او آئی سی سی آئی

اوآئی سی سی آئی نے سالانہ ترسیلاتِ زر سروے 2021کے نتائج کا اعلان کردیا 

اسٹیٹ بینک نے  ترسیلاتِ زر کی منتقلی کے لئے نمایاں بہتری  کی اور اسٹیک ہولڈرز کو موئثر اندازمیں وقت دیا : او آئی سی سی آئی

کراچی :  اوآئی سی سی آئی نے اپنے ممبران غیرملکی سرمایہ کاروں سے کئے گئے حالیہ سالانہ ترسیلاتِ زرسروے 2021کے نتائج کا اعلان کیا ہے۔ یہ سالانہ سروے غیر ملکی ترسیلاتِ زر کو آسان بنانے کے سلسلے میں گذشتہ ایک سال کے دوران ہونے والی پیشرفت کے بارے میں مئی 2021کے دوران کیا گیا تھا۔ سروے میں اوآئی سی سی آئی نے اسٹیٹ بینک کی جانب سے ترسیلاتِ زر کی منتقلی کے وقت میں نمایاں بہتری لانے اور اہم اسٹیک ہولڈرز کو موئثر اندازمیں وقت دینے جیسے اقدامات کا خیر مقدم کیا ہے۔اس سروے کا آغاز 2018میں غیرملکی سرمایہ کاروں کی طرف سے مختلف غیر ملکی پارٹیوں، ان کے ہیڈ کوارٹرز اور سپلائرزکو ترسیلاتِ زر میں تاخیر کے بارے میں اٹھائے جانے والے خدشات کے بعد شروع کیا گیا تھا۔

 

سروے میں 2019کے 72فیصدجواب دہندگان کے مقابلے میں 94فیصدجواب دہندگان نے بتایا کہ ترسیلاتِ زر کو مرکزی بینک کی جانب سے 3 مہینے کے اندر اندر منظور کرلیا جاتا ہے جبکہ گزشتہ سروے کے 47فیصد جواب دہندگان کے مقابلے میں اس سروے کے 90فیصد جواب دہندگان نے بتایا کہ ٹیکنیکل فیس بھی تین مہینے کے اندر اندر بھیجی جارہی ہے۔ اسی طرح پچھلے سروے کے 28فیصد جواب دہندگان کے مقابلے میں اس سروے میں 67فیصد جواب دہندگان نے رائلٹی ترسیلاتِ زر کیلئے اسی طرح کی ٹائم لائنز کے بارے میں آگاہ کیا۔ 

اس موقع پر اوآئی سی سی آئی کے صدر عرفان صدیقی نے سروے کے کلیدی نتائج پر تبصرہ کرتے ہوئے کہا کہ غیر ملکی سرمایہ کاروں نے کاروباری ماحول اور خاص طور پردرمیانے اور چھوٹے کاروبار کیلئے کرونا کے منفی اثرات کے پس منظر میں گذشتہ ایک سال کے دوران اسٹیٹ بینک کے متعدد ایز آف ڈوئنگ بزنس اقدامات کو سراہا ہے۔ واضح رہے کہ بہت سارے درمیانے اور چھوٹے کاروبار اوآئی سی سی آئی ممبران کے بھی صارف تھے۔ انہوں نے اسٹیٹ بینک کے ماڈرنائیزیشن اقدام کی تعریف کی جس کے ذریعے دوتہائی اوآئی سی سی ممبران اپنی ترسیلاتِ زر کی درخواست آن لائن ٹریک کرسکتے ہیں۔

غیرملکی سرمایہ کاروں نے اسٹیٹ بینک کی جانب سے کچھ شعبوں میں مزید بہتری لانے کیلئے اقدامات کی سفارش کی ہے جن میں معمول کی ترسیلاتِ زر میں زیادہ خودمختاری، منافع، رائلٹی، ٹیکنیکل فیس اور زرِ مبادلہ مینوئل کوہر سیکٹرکے لحاط سے آسان بنانے جیسے اقدامات شامل ہیں۔ 

اوآئی سی سی آئی تحقیق پر مبنی تنظیم ہے جو پاکستان میں غیر ملکی سرمایہ کاروں کو متاثر کرنے والے امور کے بارے میں متعدد سروے کرتی ہے اور موجودہ اور ممکنہ غیر ملکی سرمایہ کاروں کی سہولیت کیلئے متعلقہ سرکاری حکام کے ساتھ کلیدی نتائج شیئر کرتی ہے۔اوآئی سی سی آئی کے 200سے زائد ممبران کا تعلق 35ممالک سے ہے جومجموعی طورپر ملک کے ٹیکس محصولات کا ایک تہائی حصہ دیتے ہیں اور گذشتہ کئی سالوں سے پاکستان میں سالانہ سرمایہ کاری کا سب سے بڑا گروپ ہے۔ پچھلے9 برسوں میں اوآئی سی سی آئی کے ممبران نے پاکستان میں 18ارب ڈالر سے زائد کی سرمایہ کاری کی ہے۔